Mae El Jefe wedi clywed fod neb llai na Michael Jackson yn bwriadu dod i Gymru i fyw!
Gan fod son mai ei ddymuniad yw cael dod i'r gogledd, mae Cyngor Sir Ddinbych eisoes wedi enwi pentref cyfan ar ei gyfer, er mwyn gwneud iddo deimlo'n gartrefol.
Edrychwn ymlaen at ei weld yno!
23.8.08
Newydd dorri!
Wedi ei osod gan
El-Jefe@hotmail.co.uk
0
sylw
Nibs!
Wrthi'n tynnu lluniau ysgrifbin yr oedd El Jefe a Rebelde ar gyfer prosiect y mae Rebelde ynglyn ag ef y dyddiau hyn. Yr oedd yn waith diddorol a phleserus i ddyn sy'n mwynhau tynnu lluniau.
Ond daeth i gof El Jefe tra'n astudio'r ysgrifbin i ysgrifenyddes ei gyfreithiwr ofyn iddo rhyw ddiwrnod pan ffoniodd yno, 'Do you want to speak to 'his nibs'?
Bu bron i El Jefe roi bloedd o chwerthin! Nid oedd wedi clywed yr ymadrodd ers blynyddoedd!
'His nibs', wir!
Wedi ei osod gan
El-Jefe@hotmail.co.uk
0
sylw
21.8.08
Cwestiwn ac ateb

Cwestiwn: Pam fod pobl Aberaeron wedi mynd i'r fath drafferth i wneud eu tref y fwyaf lliwgar yng Nghymru?
Ateb: I dynnu sylw oddi wrth y traeth anobeithiol sydd yno!
(Gydag ymddiheuriadau diffuant i bobl Aberaeron.)
Wedi ei osod gan
El-Jefe@hotmail.co.uk
0
sylw
Anifail anwes Peladito
Fel arfer mae pobl yn cadw cathod neu gwn fel anifeiliaid anwes, ac o gofio fod Peladito wedi symud i fyw allan yn y wlad, nid oedd yn syndod i El Jefe glywed ei fod yntau wedi dilyn y ffasiwn, a mabwysiadu creadur i'w anwylo.Yr hyn a ddaeth fel ychydig o sioc oedd mai malwoden sydd gan Peladito, a'i fod yn ei chadw yn y car.
Wele hi yn y llun, ochr yn ochr a darn punt, er mwyn i chwi fedru gweld ei maint.
Tybed ai dyma'r rheswm fod Peladito yn gyrru mor araf o amgylch y wlad?
Tipyn o hen falwen ydio! He, he!
Wedi ei osod gan
El-Jefe@hotmail.co.uk
0
sylw
Photo finish!
Mewn ymdrech i adfer ei enw da yn dilyn cyhuddiad ysgeler Peladito, bu El Jefe yn chwilio am dystiolaeth! Daeth o hyd i beth mewn man annisgwyl - mewn adlewyrchiad yn lampau gwesty'r Harbwrfeistr, yn y llun yr oedd Peladito wedi cyhuddo El Jefe o'i ddwyn. Dyma'r ran o'r llun wedi ei chwyddo:
Yn y llun fe welwch El Jefe ar y chwith yn tynnu llun. Mae'r camera o flaen ei wyneb. Yn nesaf ato, a'r tu ôl iddo, sylwer, mae Peladito - hefyd yn tynnu llun! Mae'r ddau gamera yn pwyntio i'r un cyfeiriad ac yn tynnu'r un llun. Ond gan fod Peladito yn tynnu llun y tu ôl i gefn El Jefe, pwy sy'n dwyn llun pwy?
Ddarllenwyr annwyl, chwi a gewch fod yn reithgor yn yr achos hwn.
Hefyd yn y llun mae Bojas Rojas (wrth ochr Peladito, yn siarad gyda ffrind), a Mujer Superior (yr un ochr i'r bwrdd ac El Jefe).
A yw'n ormod disgwyl am ymddiheuriad gan Peladito yn awr?
I rest my case!
Wedi ei osod gan
El-Jefe@hotmail.co.uk
0
sylw
17.8.08
Insylted!

Mae El Jefe wedi ei glwyfo, a hynny gan neb llai na Peladito (a'i fam, Mujer Superior, o ran hynny! Gweler yma)
Pwy sy'n dwyn lluniau pwy? Mae erthygl Peladito yn ateb y cwestiwn ar ei ben.
Oherwydd y cyhuddiad, mae El Jefe wedi tynnu ei gerbyd rhyfel allan o'r garej, er nad oes diferyn o waed Rwsaidd yn ei wythiennau o gwbl!
Wedi ei osod gan
El-Jefe@hotmail.co.uk
0
sylw
Swel-ingtons Bojas Rojas

Druan ohonof! Myfi a gefais fy nwrdio!
Wedi i mi dynnu llun wellingtons crand Bojas Rojas yn yr Eisteddfod, fe anghofiais eu cynnwys yn fy eiten gynharach ar 'Welis y Welshis'!
Pechais, mae'n ymddangos!
Dyma wneud iawn, felly, a chynnwys llun o'r wellingtons crandiaf ar y maes!
Wedi ei osod gan
El-Jefe@hotmail.co.uk
0
sylw