Tempus fugit!

I lawer, bydd hwn yn ymddangos fel tegell, ond os edrychwch yn fanwl fe welwch mai 'amserydd' (timer) cegin ydyw, un o'r pethau hynny yr ydych yn rhoi 'tro' ynddo, ac yna'n ei adael i dician tan y bydd cloch yn canu i ddweud fod yr amser y bu i chwi ei osod ar y deial wedi darfod. Fe welwch y deial ar waelod y 'tegell', lle mae'r '0' i'w weld.

Heddiw, rhoddodd Mujer Superior 'dro' i'r amserydd am ddim rheswm yn y byd! Gosododd ef ar 10 munud, a mynd i wneud rhywbeth arall.


Hyn sydd yn poeni El Jefe: gan nad oedd yr amserydd yn amseru dim, oedd 'amser' yn cael ei wastraffu?

Mewn byd lle mae gofyn i ni fod yn ddarbodus, wnaiff hi mo'r tro i wastraffu dim!